Britania e Madhe refuzon të regjistrojë patenta që janë vepër e IA

Shkencëtari amerikan Stephen Thaler ka dështuar të regjistrojë patentat për shpikjet e krijuara nga sistemi i tij i inteligjencës artificiale (IA), raporton Reuters, duke cituar dy patenta që ai tha se ishin krijuar nga “makina e tij e krijimtarisë” e quajtur DABUS.

Britanikët hodhën poshtë përpjekjen e tij për të regjistruar patenta në Zyrën e Pronësisë Intelektuale me arsyetimin se shpikësi duhet të jetë një njeri ose një kompani, jo një makinë, raporton Reuters.

Thaler apeloi në Gjykatën e Lartë të Mbretërisë së Bashkuar, e cila e hodhi poshtë njëzëri ankesën e tij.

Gjykatësi David Kitchin, duke shpallur vendimin e gjykatës, tha se sipas ligjit të patentave në Mbretërinë e Bashkuar, “shpikësi duhet të jetë një person fizik”.

Thaler më parë kishte dështuar të regjistronte patenta të ngjashme as në SHBA.

LEXONI GJITHASHTU:

• Qeveria polake shkarkon zyrtarët kontrovers të medias publike
• Google gjobitet nga Rusia për informacione ‘të rreme’ të luftës në Ukrainë