U deportua në Francë sipas marrëveshjes, emigranti rikthehet me varkë në Angli

Një emigrant është kthyer në Mbretërinë e Bashkuar me një varkë të vogël pasi u deportua në Francë sipas skemës “një brenda, një jashtë”. Iraniani fillimisht u ndalua më 6 gusht dhe u largua më 19 shtator, duke u bërë personi i tretë që dërgohet në Francë sipas skemës.

Ai u kthye katër ditë më parë, më 18 tetor. Ai theksoi se u kthye në Mbretërinë e Bashkuar sepse kishte frikë për jetën e tij në Francë.

“Më morën si një objekt të pavlerë, më detyruan të punoja, më abuzuan, më kërcënuan me armë dhe më thanë se do të më vrisnin nëse do të bëja protestën më të vogël”, tha ai.

Për çdo person të kthyer në Francë, Mbretëria e Bashkuar ka rënë dakord të pranojë dikë me një rast për mbrojtje si refugjat, i cili nuk është përpjekur të kalojë Kanalin.

Të dielën, Ministria e Brendshme tha se 16 persona ishin dërguar në Francë me një fluturim të vetëm, largimi më i madh në grup sipas skemës deri më tani. Që nga 21 tetori, 36,734 persona kishin mbërritur në Mbretërinë e Bashkuar me varka të vogla në vitin 2025.

LEXONI GJITHASHTU:

• Trafik emigrantësh drejt SHBA-së, Kanadasë e Anglisë, SPAK çon për gjykim 37 persona
• Kontrabandimi i emigrantëve, Anglia dërgon në Ballkan oficerë të sigurisë kufitare