U ekstradua nga Gjeorgjia për trafik emigrantësh, GJKKO lë në burg shtetasin turk

Gjykata e Posaçme (GJKKO) ka lënë në burg shtetasin turk Yalcin Hanci, i cili u ekstradua nga Gjeorgjia pasi ishte shpallur në kërkim nga SPAK.

Hanci ishte pjesë e një grupi që trafikonte emigrantë nga Shqipëria drejt vendeve të BE-së, kryesisht në Itali, me skaf.

Shtetasi turk mbërriti në Rinas mëngjesin të martës dhe u dërgua në ambientet e vuajtjes së dënimit, në pritje të gjykimit.

“Si rezultat i koordinimit të veprimeve me homologët në Gjeorgji, Interpol Tirana finalizoi procedurën për ekstradimin në Shqipëri, të shtetasit turk, të kërkuar ndërkombëtarisht, Y. H., 50 vjeç.

Në vitin 2022, Gjykata e Posaçme e Shkallës së Parë për Korrupsionin dhe Krimin e Organizuar i ka caktuar 50-vjeçarit, masën e sigurisë “Arrest në burg”, për veprën penale “Ndihma për kalim të paligjshëm të kufijve”, kryer në kuadër të grupit të strukturuar kriminal.

Shtetasi Y. H. akuzohet se gjatë periudhës 23.04.2020-01.10.2021, në bashkëpunim me shtetas të tjerë dhe me qëllim përfitimin, ka transportuar ilegalisht, në Itali, me skaf, por dhe në shtete të tjera të Bashkimit Europian, emigrantë nga Siria, Egjipti dhe Irani”, njoftoi Policia.

LEXONI GJITHASHTU:

• EMRAT| Rrëmbim, grabitje e prostitucion, ekstradohen 3 shtetas në Itali dhe Turqi
• EMRI| Tentoi të vriste 2 policë në Vlorë, ekstradohet nga Belgjika 39-vjeçari