Policia italiane po vijon hetimet për vdekjen e 20-vjeçarit shqiptar Enriko Aliaj. Të dhënat paraprake tregojnë se ai ndërroi jetë nga një goditje me armë në kokë. Policia po e fokuson vëmendjen tek arma e krimit për të hedhur dritë mbi atë që ndodhi pasditen e të shtunës në banesën e të riut në Piacenza.
Në momentin kur ndodhi ngjarja e rëndë në shtëpi ishin vëllai i tij Elham – 18 vjeç – dhe një shok 17 vjeçar i cili u largua menjëherë pas tragjedisë.
Mediat italiane bëjnë me dije se edhe 17-vjeçari është marrë nën hetim për vdekjen e shqiptarit.
Po aq i rëndësishëm do të jetë raporti balistik, për të kuptuar trajektoren e goditjes, si dhe autopsia që do të caktohet në ditët në vijim dhe do të bëhet në Institutin e Mjekësisë Ligjore në Pavia. Rezultatet e këtyre ekspertimeve teknike dhe mjekoligjore të kryqëzuara me njëra-tjetrën dhe me historitë e dy të rinjve të pranishëm duhet të rikthejnë dinamikën e tragjedisë.
Nga sa mësohet për momentin, vëllai dhe 17-vjeçari kanë raportuar se ngjarja ishte aksidentale dhe Enriko Aliaj qëlloi gabimisht veten me plumb në kokë teksa mbante në dorë një armë pistoletë.
Pritete vijimi i hetimeve për të bërë zbardhjen e plotë të ngjarjes.
LEXONI GJITHASHTU: