U grumbulluan 1,6 mln euro, mbyllet mbledhja e fondeve për policin francez

Një mbledhje fondesh në mbështetje të një oficeri policie të akuzuar për vrasjen e adoleshentit Nahel M pranë Parisit u mbyll të martën.

Fondi, i krijuar nga Jean Messiha, i cili më parë ka punuar me kandidatët presidencialë të ekstremit të djathtë Marine Le Pen dhe Eric Zemmour, kishte marrë 1.6 milionë euro donacione.

Një nismë për nënën e djalit 17-vjeçar, të cilin ajo po e rriste vetëm, kishte mbledhur rreth 400,000 euro deri të martën në mbrëmje, raporton AFP.

I përshkruar si një “fond turpi” nga disa liderë të krahut të majtë, fushata për mbledhjen e fondeve për oficerin e policisë në GoFundMe ishte një sukses i papritur dhe ndezi një debat të nxehtë.

GoFundMe refuzoi të hiqte financuesin e grumbullimit, ndërsa Messiha fajësoi familjen e adoleshentit dhe sistemin e drejtësisë për vdekjen e tij.

Mbrëmjen e së martës, avokati i familjes së adoleshentit të ri u qëllua për vdekje më 27 qershor gjatë një ndalimi trafiku në Nanterre, njoftoi se kishte bërë një ankesë.

“Sot është bërë një ankesë për mashtrim të organizuar në grup, keqpërdorim të përpunimit të të dhënave personale dhe fshehje të këtyre veprave kundër Jean Messiha dhe ndaj të gjithë personave që do të identifikohen nga hetimi se kanë marrë pjesë në këto vepra”, tha z. Yassine Bouzrou.

LEXONI GJITHASHTU:

• Ulen tensionet në Francë, solidaritet kryebashkiakut të sulmuar
• Mblidhen 1 mln euro për policin francez që vrau 17-vjeçarin