U infektua nga një kërpudhë e rrezikshme, vdes ushtari izraelit në Gaza

Një ushtar i forcave të Izraelit ka vdekur pasi u infektua nga një kërpudhë e dëmshme në Rripin e Gazës, raportojnë mediat izraelite.

Sipas mediave të huaja, ushtari u dërgua në Qendrën Mjekësore Assuta Ashdod disa javë pasi u kthye nga Gaza me lëndime të rënda në gjymtyrë për shkak të infeksionit.

Mësohet se rreth 10 ushtarë deri tani janë infektuar me të njëjtën kërpudhë dhe po trajtohen në Izrael, raporton The Times of Israel, duke cituar radion Kan.

Raporti i fundit vjen pasi Shoqata për Sëmundjet Infektive (AID) në Izrael tha se disa patogjenë rezistent ndaj ilaçeve ishin gjetur në lëndimet e trupave izraelite të kthyera.

“Në të gjitha spitalet raportohet se ushtarët janë kthyer nga fusha e betejës me infeksione rezistente”, tha për The Telegraph javën e kaluar profesoresha Galia Rahav, kryetare e AID-it.

Eksperti shtoi se kontakti me tokën dhe baltën në Gaza mund të shkaktojë ekspozim ndaj baktereve dhe mykut të tillë rezistent.

LEXONI GJITHASHTU:

• Të dhënat satelitore: Shkatërrimi në Gaza kalon edhe atë të Luftës së Dytë Botërore
• Hamas refuzon armëpushimin, OKB: Mbi gjysmë milion banorë në Gaza rrezikojnë vdekjen