U kap me 8 pistoleta në furgon, lihet në burg Kaloshi, çfarë deklaroi në Gjykatë

Jetmir Kaloshi, i cili u kap me 8 pistoleta pak ditë më parë në një furgon, të cilat kishin destinacion trafikimin drejt Anglisë, është lënë në burg nga Gjykata e Posaçme.

Burime për Euronews Albania bëjnë me dije se para togave të zeza ai ka thënë se nuk ka lidhje fare me armët, dhe pasi këto të fundit të dorëzoheshin në Itali do të kthehej sërish në vendin tonë.

Ndër të tjera Kaloshi ka deklaruar se nuk posedon vizë në Britaninë e Madhe.

“Unë jam shofer, nuk kam lidhje fare me materialet. Do i dorëzoja në Itali dhe pastaj do të kthehesha. Nuk kam vizë për në Britaninë e Madhe”- ka thënë ai.

LEXONI GJITHASHTU: 

• EMRI| Me furgonin me armë drejt Anglisë, arrestohet 35-vjeçari në Portin e Durrësit
• Dëshmia e parë kundër UÇK-së, kritika për tjetrësimin e videos në gjyqin në Hagë