U kap me kanabis në një lokal në Krumë, arrestohet 38-vjeçari

Policia e Kukësit ka arrestuar një 38-vjeçar i cili u kap në flagrancë me një sasi kanabisi në një lokal në Krumë të përshtatur për shitje të lëndëve narkotike.

Gjithashtu, është proceduar penalisht administratori i lokalit, i cili përveç përshtatjes, fshihte të ardhurat e gjeneruara nga biznesi i paregjistruar.

“Si rezultat i kontrolleve në të gjithë territorin e qarkut, të cilat vijojnë të kryhen me mbështetjen e informacioneve nga inteligjenca policore, të siguruara në kuadër të megaoperacionit antidrogë “Tempulli”, specialistët për Hetimin e Narkotikëve të DVP Kukës, në bashkëpunim me shërbimet e Komisariatit të Policisë Has, kanë zbuluar një lokal në Krumë, të marrë me qira, me qëllim përshtatjen për përdorim dhe shitje të kanabis sativës. Nga ndërhyrja e menjëhershme në ambientet e lokalit, shërbimet e Policisë kapën në flagrancë, me lëndë narkotike kanabis sativa, me vete, dhe vunë në pranga shtetasin D. Ll., 38 vjeç, banues në fshatin Kishaj. Gjithashtu, u sekuestrua si provë materiale, sasia e lëndës narkotike që posedonte i arrestuari”, thotë policia.

Në vijim, u referuan materialet në Prokurori, ku nisi procedimi në gjendje të lirë për shtetasin F. Q., 58 vjeç, banues në Krumë, pasi nuk kishte regjistruar në organet tatimore, lokalin e marrë me qira, si dhe sepse dyshohet se e kishte përshtatur këtë ambient, për përdorim dhe shitje të lëndës narkotike kanabis sativa.

LEXONI GJITHASHTU:

• Iu gjetën fara kanabisi gjatë kontrollit, arrestohet 18-vjeçari në Shkodër  
• Iu gjet kanabis në banesë, arrestohet 36-vjeçari nga Konispoli i shpallur në kërkim