U larguan nga qendra sociale, gjenden dy nga tre të miturit, policia vijon kërkimet

Përgjegjësi i një qendre sociale në Elbasan denoncoi të premten largimin nga ambientet e kësaj qendre të tre shtetasve të mitur, dy 13-vjeçarë dhe një 14-vjeçar.

Policia bën me dije se pas 24-orësh kërkimesh ka mundur të gjejë dy prej adoleshentëve, ndërkohë që vijon puna për gjetjen e të miturit të tretë.

13-vjeçari dhe 14-vjeçari i janë kthyer qëndrës sociale ndërkohë që materialet në lidhje me rastin u referuan në prokurori për veprime të mëtejshme.

Ende nuk dihen shkaqet që shtynë adoleshentët të largohen nga qendra sociale.

“Në vijim të informacionit të dhënë ditën e djeshme për largimin nga një qendër sociale të shtetasve të mitur, ju informojmë se janë gjetur dhe i janë dorëzuar qendrës, në gjendje të mirë shëndetsore, një 14-vjeçar dhe një 13-vjeçar. Vijon puna për gjetjen e 13-vjeçarit tjetër”, njofton policia.

LEXONI GJITHASHTU:

• 3 të mitur largohen nga qendra sociale në Elbasan, përgjegjësi denoncon në Polici
• Aksident masiv në autostradën Tiranë-Durrës, përplasen 6 automjete