U lirua një ditë më parë, SPAK apelon vendimin e GJKKO për Arbën Lenën

Prokuroria e Posaçme ka apeluar brenda një kohe rekord lirimin e kreut të Dhomës së Avokatisë në Korçë Arben Lena nga qelia në masën arrest në shtëpi.

Prokurori i Posaçëm Elvin Gokaj kundërshton vendimin e gjyqtarit të Shkallës së Parë Erion Çela, duke dërguar çështjen sërish në Apel.

Arben Lena u arrestua në janar të këtij viti nën akuzën për veprën penale të “Ushtrimit të ndikimit të paligjshëm tek personat që ushtrojnë funksione publike”.

Sipas SPAK, në këmbim të pesë mijë eurove, avokati premtoi zbutjen e masës së sigurisë ndaj shtetasit Bledar Koçizi, i cili ishte arrestuar për trafikim të emigrantëve.

Për të mos e mbajtur në burg, Korçizi ka premtuar një pagesë prej 5 mijë euro ndaj kreut të Dhomës së Avokatisë në mënyrë që ky i fundit të ndikonte tek gjykata dhe prokurorët.

LEXONI GJITHASHTU:

• Arrestohet me urdhër të SPAK kreu i Dhomës së Avokatisë Korçë, Arben Lena
• I arrestuar për korrupsion, GJKKO liron kreun e Dhomës së Avokatisë në Korçë