U liruan nga Hamasi pas marrëveshjes, 8 pengje izraelitë mbërrijnë në spital

Ditën e sotme nisi marrëveshja 4 ditore e armëpushimit mes Izraelit dhe Hamasit, pjesë e të cilës ishte edhe lirimi i të burgosurve nga Izraeli dhe pengjeve nga Hamasi.

Sipas burimeve nga mediat e huaja, bëhet me dije se dy helikopterë mbërritën në një spital izraelit që besohet se po transportonin pengjet e liruara.

Po ashtu mësohet se katër fëmijë dhe katër gra u transferuan në Spitalin e Fëmijëve Schneider, në qytetin Petah Tikva, në lindje të Tel Avivit.

Sipas një deklarate të përbashkët nga spitali dhe Ministria e Shëndetësisë, nga ekzaminimi paraprak u konstatua se shëndeti i tyre fizik ishte i mirë.

Kujtojmë se në total u liruan 13 pengje izraelite dhe 39 të burgosur palestinez gjatë ditës së sotme.

Pritet që lirimi i pengjeve të vijojë edhe në ditët në vijim dhe Izraeli ka deklaruar që mund të zgjasë marrëveshjen e armëpushimit, nëse Hamasi do të vijojë deri në lirimin e plotë të pengjeve.

Por nga ana tjetër, Izraeli ka deklaruar po ashtu se ofensiva në Gaza do të vijojë sërish pas armëpushimit, deri në asgjësimin e plotë të Hamasit.

LEXONI GJITHASHTU:

• Sot nisi armëpushimi, 13 pengje izraelite të mbajtur nga Hamasi nisen për në Egjipt
• Pallati i Versajës evakuohet pas kërcënimit me bombë, alarmi i shtatë në tetë ditë