U mor peng nga militantët e Hamasit, gjendet me kokën e prerë artistja gjermane

Një vajzë gjermano-izraelite, e marrë peng gjatë sulmit terrorist të Hamasit më 7 tetor në Izrael, është konfirmuar e vdekur.

Lajmin e ka bërë të ditur presidenti izraelit, Isak Hercog, i cili ka saktësuar se 22-vjeçares i kanë prerë kokën.

Identifikimi i Shani Louk u bë përmes testit të ADN-së të mbledhur nga kafka e saj.

“Këto kafshë barbare dhe sadiste i kanë prerë kokën teksa sulmonin, torturonin dhe vrisnin”, ka thënë Hercog.

Ai ka shtuar se identifikimi i rreth 40 trupave të tjerë është pezulluar përkohësisht, pasi trupat e tyre janë të rrahur, të djegur, ose të copëtuar në mënyrën më makabre.

LEXONI GJITHASHTU:

• Jo vetëm luftë, izraelitë e palestinezë bashkohen në Berlin
• Izraeli pretendon se ka vrarë 4 komandantë të lartë të Hamas në Gaza