U qëllua me thikë në zemër nga bashkëmoshatari, ndërron jetë 14-vjeçari në Tiranë

Një ngjarje e rëndë ka ndodhur paraditen e kësaj të hëne në Tiranë, ku një përleshje mes disa adoleshentëve të shkollës “Fan Noli” përfundoi tragjikisht me 1 të vdekur dhe 1 të plagosur.

Viktimë mbeti 14-vjeçari me inicialet M.C., i cili u godit me thikë në zemër dhe për shkak të plagëve të rënda, ndërroi jetë në spital.

Konflikti mes adoleshentëve filloi brenda ambienteve të shkollës dhe më pas u zhvendos jashtë saj, ku u përshkallëzua duke përdorur armë të ftohta.

Gjatë përplasjes mbeti i plagosur edhe ashoku i viktimës, 14-vjeç me iniciale L.M., i cili po merr trajtimin e nevojshëm mjekësor në spital. Ai ka disa plagë me thikë në gjoks, por ndodhet në gjendje të qëndrueshme, jashtë rrezikut për jetën.

Dy adoleshentët dyshohet se janë qëlluar nga tre bashkëmoshatarë të tjerë, të cilët janë shpallur në kërkim.

Tiranë/Informacion paraprak

Më datë 18.11.2024, rreth orës 13:10, në rrugën “Qema Stafa”, rreth 200-300 metra larg shkollës “Fan Noli” janë konfliktuar 3 shtetas të moshës 14 vjeç.

Si pasojë e dëmtimeve të marra gjatë konfliktit, ka ndërruar jetë njëri prej tyre ndërsa tjetri ndodhet në spital, në kujdesin e mjekëve.

Është shoqëruar njëri nga autorët e dyshuar, ndërsa grupi hetimor po vijon punën për sqarimin e rrethanave të konfliktit.

LEXONI GJITHASHTU:

• Konfliktohen 2 persona në Lezhë, plagoset një prej tyre
• Sherr mes shqiptarësh në Greqi, njëri plagoset rëndë me pushkë deti