U shpall fajtor, me çfarë dënimi mund të përballet Donald Trump

Mbrëmjen e djeshme ish-Presidenti i Shteteve të Bashkuara të Amerikës, Donald Trump, u shpall fajtor në procesin gjyqësor për ‘paratë e heshtura’.

Sipas mediave të huaja, Trump mund të dërgohet në burg, megjithëse shumica e ekspertëve ligjorë pajtohen se kjo nuk ka gjasa të ndodhë.

Pra, me çfarë mund të përballet Trump kur të dënohet më 11 korrik?

Të 34 akuzat për të cilat ai u shpall fajtor janë krime të klasës E në Nju Jork (shkalla më e ulët në shtet). Çdo akuzë mbart një dënim maksimal prej katër vjet burg dhe deri në 5,000 dollarë (3,900 £) gjobë.

Një skenar mund të shohë që ‘Justice Merchan’ të zgjedhë një kombinim gjobash, shërbimi me kusht dhe/ose shërbimi në komunitet.

Nëse Trump do të dënohej me kusht, gjykata do të vendoste që ai të takohej rregullisht me një oficer të provës.

Po ashtu edhe ‘arresti në shtëpi’, i cili do ta shihte ish-presidentin të mbyllur në shtëpinë e tij me një monitor elektronik rreth kyçit të këmbës, është gjithashtu një mundësi.

Opsioni i fundit do t’i lejonte Trumpit të bënte fushatë për President, megjithëse nga kufijtë e katër mureve të tij.

LEXONI GJITHASHTU:

• Çfarë pritet të ndodhë pas dënimit të Donald Trump
• Çështja ndaj Donald Trump në dorë të jurisë, çfarë pritet të ndodhë