U shpallën fillimisht të vdekur, trupat e 6 pengjeve izraelitë merren nga Gaza

Trupat e gjashtë pengjeve izraelite janë marrë nga Gaza gjatë një operacioni ushtarak gjatë natës, thanë autoritetet izraelite të martën.

Në një njoftim të përbashkët, Forcat e Mbrojtjes të Izraelit (IDF) dhe agjencia e sigurisë e Izraelit (ISA) bënë të ditur se emrat e tyre,mes të cilëve: Yoram Metzger, Alexander Dancyg, Avraham Munder, Chaim Peri, Nadav Popplewell dhe Yagev Buchshtab.

Të gjithë, përveç Munder, ishin shpallur të vdekur muajt e fundit nga ushtria izraelite.

“Sonte forcat tona kthyen trupat e gjashtë prej pengjeve tanë që mbaheshin nga organizata terroriste vrastare Hamas”, tha kryeministri izraelit Benjamin Netanyahu në një deklaratë, duke falënderuar ata që u përfshinë në operacion për “veprimin e tyre të guximshëm dhe të vendosur”.

“Zemrat tona dhembin për humbjen e tmerrshme,” tha ai.

Autoritetet izraelite nuk dhanë menjëherë detaje të operacionit për gjetjen e trupave të pengjeve, por deklarata e përbashkët tha se ai ishte “mundësuar nga inteligjenca e saktë nga ISA, njësitë e inteligjencës IDF dhe Shtabi i Pengëve të Drejtorisë së Inteligjencës IDF”.

LEXONI GJITHASHTU:

• Sulmet izraelite vrasin 82 punonjës të Mbrojtjes Civile gjatë luftës në Gaza
• Kolumbia ndalon eksportin e qymyrit, Petro: Izraeli e përdor për të vrarë fëmijët