U tërhoq nga kandidimi për President, Biden tregon emrin që mund ta zëvendësojë

Pas tërheqjes së tij nga gara presidenciale në SHBA, Presidenti Joe Biden ka paralajmëruar se vendin e tij si kandidate do e zërë zëvendës Presidentja aktuale, Kamala Harris.

Përmes një reagimi në rrjetet sociale, Biden ka thënë se jep miratimin dhe mbështetjen e plotë për Harris, si kandidate për presidente në zgjedhjet e nëntorit.

Ai i bëri thirrje demokratëve në SHBA që të bashkohen, për të mundur kandidatin republikan Donald Trump.

“Të dashur demokratë, kam vendosur të mos pranoj nominimin dhe të përqendroj të gjitha energjitë e mia në detyrat e mia si President për pjesën e mbetur të mandatit tim. Vendimi im i parë si kandidat i partisë në vitin 2020 ishte të zgjidhja Kamala Harris si Zv presidente. Dhe ka qenë vendimi më i mirë që kam marrë. Sot dua të ofroj mbështetjen dhe miratimin tim të plotë që Kamala të jetë kandidatja e partisë sonë këtë vit. Demokratë — është koha të bashkohemi dhe të mposhtim Trump. Le ta bëjmë këtë”, ka shkruar Biden.

LEXONI GJITHASHTU:

• SHBA| Presidenti Joe Biden tërhiqet nga gara për Shtëpinë e Bardhë
• Çfarë ndodh nëse presidenti Biden tërhiqet nga kandidimi?