U zhduk teksa transportohej në Granada, gjendet nga policia piktura e Picasso-s
Policia spanjolle ka njoftuar këtë të premte se ka gjetur një pikturë e Pablo Picasso-s. Piktura mësohet se u zhduk gjatë rrugës për në një ekspozitë. Vepra “Natyrë e qetë me kitarë” e vitit 1919 me vlerë rreth 600,000 euro u zhduk në fillim të tetorit ndërsa po transportohej nga Madridi në qytetin jugor të Granadës.
Vepra e artit, e cila i përket një koleksionisti privat në kryeqytetin spanjoll, ishte planifikuar të shfaqej si pjesë e një ekspozite të re në Fondacionin CajaGranada. Por kur përmbajtja e kamionit u shpaketua më 6 tetor, kuratori vuri re se vepra e Picasso-s mungonte. Piktura e zhdukur u raportua në polici, e cila konfirmoi gjetjen e saj të premten, megjithëse nuk zbuloi se ku u gjet.
“Hetimet fillestare sugjerojnë se piktura mund të mos jetë ngarkuar në kamionin e transportit”, thuhet në një deklaratë të Policisë Kombëtare.
Fama e Picasso-s dhe shumat e mëdha që kushtojnë veprat e tij, e kanë bërë prej kohësh artin e tij një shënjestër për hajdutët në të gjithë botën. Në shkurt të vitit 2007, dy piktura të Pikasos me vlerë totale prej 50 milionë eurosh u vodhën nga shtëpia e mbesës së artistit në Paris. Dy vjet më vonë, një bllok skicash i Pikasos me vlerë më shumë se 8 milionë euro u vodh nga një muze në Paris kushtuar artistit.
LEXONI GJITHASHTU:
- Pikturat e Picasso dhe Chagall të vjedhura në vitin 2010 gjenden në Belgjikë
- Hajdutët që thyen sigurimin e Muzeut të Luvrit, vjedhja e fundit ishte në vitin 1998
Parlamenti italian miraton reformën zgjedhore të kontestuar të Melonit
Trump shkarkon prokurorin federal të Seattle vetëm një orë pas emërimit nga gjykata
Kremlini vlerëson Turqinë për ndërmjetësimin mes Ukrainës dhe Rusisë: Mirënjohës për përpjekjet për paqe
- 14:51 Tentoi të vidhte me thyerje një market në Krujë, shoqërohet në polici 14-vjeçari
- 14:45 Parlamenti italian miraton reformën zgjedhore të kontestuar të Melonit
- 14:31 “Smart City”, Rama: Projekti nuk ndalet më, do të shtrihet në të gjithë territorin
- 14:30 Britania dënon deklaratat e ministres serbe për Kosovën: Të neveritshme dhe pa vend në shoqërinë e sotme
- 14:18 Rama dhe Lamallari në Qendrën e Komandës dhe Kontrollit të “Smart City”: Detekton rreziqet në kohë reale
- 14:12 Trump shkarkon prokurorin federal të Seattle vetëm një orë pas emërimit nga gjykata