English

U zunë për motive banale, 51-vjeçari qëllon me thikë të riun

KOMENTE

SHPERNDAJE
ARTIKULLIN

Text sizeAa Aa

Një 51-vjeçar është arrestuar nga policia e Cërrikut pasi qëlloi me mjet prerës një 35-vjeçar. Ngjarja ndodhi në fshatin Shtëpanjë, pas një konflikti të çastit për motive të dobëta.

- Advertisement -

I plagosuri u dërgua me urgjencë në spitalin e qytetit, ku po merr kujdesin e nevojshëm mjekësor.

Ndërkohë që policia ka sekuestruar mjetin prerës, si dhe ka referuar materialet në prokurori për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

“Specialistët për Hetimin e Krimeve të Komisariatit të Policisë Cërrik, menjëherë pas marrjes së njoftimit se në fshatin Shtëpanjë, një shtetas ishte dëmtuar me mjet prerës, kanë shkuar menjëherë në adresën e dhënë, me qëllim identifikimin dhe kapjen e autorit, si dhe zbardhjen e rrethanave të këtij rasti.

Si rezultat i veprime të shpejta policore, u bë i mundur identifikimi dhe arrestimi në flagrancë i autorit të këtij rasti, shtetasit A. H., 51 vjeç, banues në Cërrik, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

Ky shtetas, gjatë një konflikti të çastit, për motive të dobëta, në fshatin Shtëpanjë, ka goditur me mjet prerës, shtetasin A. H., 35 vjeç, banues në Cërrik, i cili është jashtë rrezikut për jetën.

Mjeti prerës thikë u sekuestrua në cilësinë e provës materiale”, thuhet në njoftimin e policisë.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?