Udhëheqësit separatistë në Ukrainë në mobilizim të plotë ushtarak

Udhëheqësit separatistë të mbështetur nga Rusia në Ukrainën lindore shpallën një mobilizim të plotë ushtarak të shtunën, një ditë pasi urdhëruan gratë dhe fëmijët të evakuoheshin në Rusinë jugore.

Denis Pushilin, kreu i Republikës së vetëshpallur Popullore të Donetskut, tha në një deklaratë se ai kishte nënshkruar një dekret për mobilizimin dhe u bëri thirrje burrave  të mbajnë një armë në duart e tyre dhe të paraqiten në komisariatet ushtarake.

Një tjetër udhëheqës separatist, Leonid Pasechnik, nënshkroi një dekret të ngjashëm për Republikën Popullore të Luhanskut.

Autoritetet separatiste njoftuan të premten planet për të evakuuar rreth 700.000 njerëz, duke përmendur frikën e një sulmi të afërt nga forcat ukrainase – një akuzë që Kievi e mohoi kategorikisht.

Ushtria ukrainase tha të shtunën se kishte regjistruar 12 shkelje të armëpushimit nga separatistët pro-rusë në Ukrainën lindore në mëngjes.

LEXONI GJITHASHTU:

• Helikopterët ushtarakë rusë shumë pranë Ukrainës, imazhet satelitore