UEFA do vendosë sot për incidentet që ndodhën në ndeshjen mes Rumanisë dhe Kosovës.

Loja mes dy kombëtareve u ndërpre për afro 50 minuta për shkak të thirrjeve të tifozëve rumunë “Serbia, Serbia” dhe për shkak të parullës me mbishkrimin “Kosova është Serbi”.

Për këtë arsye, gazeta rumune “Fanatik” mëson se UEFA do të vendosë sot se çfarë dënimi do t’ia japë Federatës Rumune të Futbollit, raporton Gazeta Express.

Rumania e fitoi 2:0 lojën me Kosovën, e vlefshme për kualifikimet e Euro 2024.

Rumunët mund të dënohen me dy ndeshje pa praninë e shikuesve, kundër Andorrës më 15 tetor dhe ndaj Zvicrës më 21 nëntor. Gjithashtu, Federata Rumune mund të gjobitet edhe me para.

LEXONI GJITHASHTU:

• Parulla Kosova është Serbi, rumuni: Kosova duhet ta marrë ndeshjen në tavolinë
• Baner “Kosova është Serbi” në stadium, ndërpritet ndeshja mes Rumanisë e Kosovës