Ndeshja eliminatore mes Rumanisë dhe Kosovës është ndërprerë nga gjyqtari kryesor i takimit pas një baneri të tifozëve ku shkruhej “Kosova është Serbi”.

Sfida mes Kosovës dhe Rumanisë po zhvillohet në në Bukuresht dhe është e vlefshme për kualifikimet për në Kampionatin Evropian 2024.

Deri më tani, dardanët kanë zhvilluar 5 ndeshje, ku numërojnë 4 barazime dhe 1 humbje, ndërsa përballja e luajtur në Fadil Vokrri u mbyll në shifrat 0-0.

Asokohe në krye të ekipit qëndronte francezi Alain Giresse. Ardhja e Primoz Glihës e ka rikthyer disi harmoninë, ku përballja e fundit ndaj Zvicrës u mbyll në barazim 2-2, ndërsa Muriqi shënoi një dopietë.

Në anën tjetër rumunët janë më të qetë, për faktin se numërojnë vetëm rezultate pozitive, për më tepër gjenden në vendi ne dytë në grup me 9 pikë. Një humbje e dardanëve këtë të martë do të përkthehej në 10% shanse drejt Euro 2024, duke parë dhe ecurinë e Izraelit i cili po ashtu në rast se mposht Bjellorusinë, do të ngjitej në kuotën e 11 pikëve.

LEXONI GJITHASHTU:

• Flet për herë të parë kreu i Futbollit të Kosovës pas “përplasjes” me Armando Dukën
• Kosova synon fitoren e parë, dardanët luajnë me Rumaninë në transfertë