Kosova synon fitoren e parë, dardanët luajnë me Rumaninë në transfertë

Shanset për një biletë drejt Euro 2024 sa vijnë e zbehen për Kosovën, e cila ende nuk e ka shijuar fitoren.

Dardanët do të luajnë në mbrëmje një tjetër përballje decizive në këtë rrugëtim, ndërsa ndeshen në transfertë ndaj Rumanisë. Atmosfera në skuadër është pozitive, ndërsa synohet fitorja e parë në grupin I.

Deri më tani, dardanët kanë zhvilluar 5 ndeshje, ku numërojnë 4 barazime dhe 1 humbje, ndërsa përballja e luajtur në Fadil Vokrri u mbyll në shifrat 0-0.

Asokohe në krye të ekipit qëndronte francezi Alain Giresse. Ardhja e Primoz Glihës e ka rikthyer disi harmoninë, ku përballja e fundit ndaj Zvicrës u mbyll në barazim 2-2, ndërsa Muriqi shënoi një dopietë.

Në anën tjetër rumunët janë më të qetë, për faktin se numërojnë vetëm rezultate pozitive, për më tepër gjenden në vendi ne dytë në grup me 9 pikë. Një humbje e dardanëve këtë të martë do të përkthehej në 10% shanse drejt Euro 2024, duke parë dhe ecurinë e Izraelit i cili po ashtu në rast se mposht Bjellorusinë, do të ngjitej në kuotën e 11 pikëve.

LEXONI GJITHASHTU:

• Fitorja e Shqipërisë, Armand Duka: Sylvio, trajneri më i mirë që ka pasur Kombëtarja
• I përjashtuar nga kombëtarja, Gjermania rikthen kampionin e botës