I përjashtuar nga kombëtarja, Gjermania rikthen kampionin e botës

Që prej përfundimit të Kupës së Botës, lista e lojtarëve të grumbulluar nga kombëtarja e Gjermanisë ishte një surprizë më vete. Trajneri Hansi Flick është paraqitur gjithmonë me ndryshime, ndërsa një i tillë rezulton edhe këtë fillim shtatori. Thomas Muller është thirrur tek panzerat 9 muaj pasi ishte përjashtuar nga trajneri, për shkak të performancës së tij të dobët.

Më 1 shtator, Gjermania publikoi listën e lojtarëve për dy përballjet ndaj Japonisë dhe Francës, por dëmtimi i sulmuesit Fullkrug bëri që Flick të thërriste Mullerin, por pavarësisht këtij fakti nuk i garantohet një vend në formacionin titullar. Këtë sezon të ri në Bundesligë, 33-vjecari është aktivizuar në të treja përballjet, duke konfirmuar besimin e Tuchel ndaj tij.

Lista e fundit e panzaerave shkaktoi polemika, ku një mungesë e madhe cilësohet dhe mesfushori Leon Goretzka. Ky i fundit po ashtu është i padëshiruar nga trajneri i kombëtares, duke bërë që ndaj këtij të fundit të shpërthejnë kritikat. Kujtojmë se që prej eliminimit në grup, në botërorin e Katarit, Gjermania ka shfaqur probleme edhe më të thella, madje ku është kërkuar largimi i trajnerit. Dy miqësoret e radhës pritet të jenë një tregues i qartë i gjendjes ku ndodhet skuadra.

LEXONI GJITHASHTU:

• Gjermania s’di të fitojë/ Italia mposht Anglinë, Spanja zbret në fushë ndaj Zvicrës
• Salah do qëndrojë në Angli, Liverpool refuzon 150 milionë paund