Uellsi i mohon festën Zvicrës, goli i Moore u hedh poshtë shpresat për tre pikë

Uellsi arriti t’i marrë Zvicrës një barazim 1-1 falë një goli të realizuar nga sulmuesi i saj Kieffer Moore.

Një përballje që në pjesën e parë u duk se po shkonte tërësisht në favor të zviceranëve u diktua tejmase nga zëvendësimi i Xherdan Shaqirit pak minuta pasi Breel Embolo kishte realizuar golin e parë.

Trajneri Vladimir Petkoviç hodhi në fushë Denis Zakarian, i cili përgjithësisht angazhohet si mesfushor i tërhequr.

Me këtë ndryshim Zvicra luajti më pak përpara duke u kthyer kryesisht në mbrojtje dhe në këtë mënyrë i dha mundësi Uellsit që të merrte më tepër besim.

Besimi u konkretizua pas një goditjeje dënimi ku krosimi i Morrell gjeti të pamarkuar Moore.

Pas realizimit të golit, Zvicra doli përpara. Gavranovic zëvendësoi Seferovicin, mirëpo një gol që ai realizoi në minutën e 84-ët ishte në pozicion jashtë loje.

Pas këtij barazimi Zvicra duhet të mendojë më mirë për ndeshjen tjetër që është kundër Italisë, kjo e fundit fitoi 3-0 ndaj Turqisë të premten.

Grupi A kryesohet nga Italia (3 pikë), Zvicra (1 pikë), Uellsi (1 pikë), Turqia (0 pikë).