Ujësjellësit me borxhe, faturat e pashlyera për energjinë arrijnë 187 mln euro

187 mln euro është fatura e papaguar e energjisë, që ujësjellësit në vend kanë si detyrim ndaj OSHEE. Fatura është rritur këtë vit, me 27 mln euro për shkak të paaftësive paguese të shumë ndërmarrjeve në vend.

Të dhënat dalin nga Enti Rregullator i Ujit, në raportin e fundit, ndërsa shifra është më e larta e regjistruar, që nga viti 2010, kur faturat e papaguara ishin rreth 20 mln euro.

Janë 6 ndërmarrje që kryesojnë listën e debitorëve

Durrës, Vlorë, Patosi, Kavaja, Kurbini dhe Kruja kanë në total 65% të borxheve për energjinë.

Në rekomandimet që ERRU jep për të përmirësuar situatën bëjnë pjesë hapa që duhet të ndërmerren sa i takon rritjes së eficiencës së energjisë.

Për secilën shoqëri ERRU rekomandon që të merren studime dhe të analizohet efikasiteti i përdorimit të energjisë.

Enti thekson gjithsesi se për çdo shoqëri duhet të ketë analizë të veçante, ndërsa mbulimi i kostove mund të bëhet edhe duke rishikuar tarifat.

LEXONI GJITHASHTU:

• Borxhet e ujësjellësit përplasin Dritan Lelin me këshilltarët socialistë
• Bashkitë 55 milionë euro borxhe të akumuluara, 2 në prag falimenti