Ukraina dhe Gjermania nënshkruajnë marrëveshje për raketat antibalistike, Zelensky u bën thirrje aleatëve

Ukraina dhe Gjermania kanë nënshkruar një marrëveshje mbi aftësitë e raketave antibalistike, tha të enjten Presidenti Volodymyr Zelensky, duke u bërë thirrje aleatëve të tjerë perëndimorë të bashkohen me përpjekjet dhe të arrijnë rezultate deri në dimër.

Duke folur në një takim të Grupit të Kontaktit për Mbrojtjen e Ukrainës, i njohur si “Grupi Rammstein”, Zelensky tha se Ukraina ka nevojë urgjente për artileri me rreze të gjatë veprimi dhe mjete ajrore pa pilot . Ai gjithashtu bëri thirrje për zhvillimin e instrumenteve shtesë financiare për financimin afatgjatë të ushtrisë ukrainase.

Britania do t’i sigurojë Ukrainës 150,000 dronë deri në fund të vitit 2026, si pjesë e një pakete financimi prej 996 milionë dollarësh, tha gjithashtu Sekretari i Mbrojtjes Dan Jarvis sot në një takim të Grupit të Kontaktit për Mbrojtjen e Ukrainës në Bruksel.

Paketa, e cila financohet nga kredia prej 2.26 miliardë funtesh e Britanisë për Ukrainën, përfshin 350 raketa mbrojtëse ajrore dhe sisteme radarësh me bazë tokësore.

Kredia sigurohet nga të ardhurat nga asetet e ngrira shtetërore ruse .

Jarvis, i cili bashkëkryesoi takimin me homologun e tij gjerman, u takua me Sekretarin e Mbrojtjes të SHBA-së, Pete Hegseth, dhe ministra të tjerë të mbrojtjes, përfshirë përfaqësues nga Franca dhe Ukraina.