Ukraina dhe Rusia shkëmbejnë trupat e ushtarëve të rënë

Moska ka dorëzuar trupat e 1,000 ushtarëve ukrainas dhe ka marrë në këmbim 31 trupa të ushtarëve të saj të rënë, raportoi The Gurdian.

Riatdhesimi vjen pas disa operacioneve të kryera në ditët e fundit mes dy vendeve.

“Masat e riatdhesimit u zhvilluan sot. Një mijë trupa, të cilët sipas palës ruse i përkasin ushtarakëve ukrainas, u kthyen në Ukrainë ”, tha në mediat sociale agjencia ukrainase përgjegjëse për të burgosurit e luftës.

Operacioni i kthimit të trupave, u krye nga Shtabi Koordinues, Forcat e Armatosura, Shërbimi i Sigurisë i Ukrainës, Ministria e Brendshme, zyra e Avokatit të Popullit dhe organe të tjera, me mbështetjen e Kryqit të Kuq.

Marrëveshjet për kthimin e ushtarëve të rënë dhe shkëmbimet e të burgosurve të luftës ishin një nga rezultatet e pakta të prekshme të bisedimeve të paqes ruso-ukrainase në 2 qershor, në Stamboll. Ukraina mori gjithsej 6,057 trupa të ushtarëve të saj të rënë si pjesë e shkëmbimit në fazën e parë.

Rusia, sipas ndihmësit dhe negociatorit të Kremlinit, Vladimir Medinsky, mori mbrapsht 78 ushtarë.

Sipas Ukrainës, Rusia është përpjekur vazhdimisht të dorëzojë trupat e ushtarëve të saj të vrarë, të cilët konsiderohen ukrainas, duke u përpjekur të fshehë shkallën e humbjeve të saj nga populli rus.

LEXONI GJITHASHTU:

• Nëntë të plagosur në një sulm rus me dronë në Kiev
• Asnjë kamera sigurie nuk e mbulonte ballkonin e Luvrit ku hynë hajdutët