“Ukraina, do të bëhet pjesë e NATO-s”- Premtimi i Blinken dhe Stoltenberg

“Ukraina do të bëhet pjesë e NATO-s”. Kështu ka deklaruar sekretari amerikan i Shtetit, Antony Blinken gjatë një takimi me homologun ukrainas, Dmitry Kuleba në Bruksel. Në të njëjtën kohë, sekretari i përgjithshëm i NATO-s riafirmoi qasjen e tij, se Aleanca nuk e konsideron veten të përfshirë direkt në luftë.

“Nuk kemi plane për të pasur trupa luftarake në brendësi të Ukrainës. Nuk ka pasur kërkesëa për një gjë të tillë. Por ukrainasit po na kërkojnë pajisje, municione, arnë ushtarake dhe ne po ua ofrojmë këto atyre. Por kjo nuk e bën NATO-n pjesë të konfliktit. Ne e mbështesim Ukrainën tek e drejta për t’u vetëmbrojtur”, deklaroi Jens Stoltenberg, sekretar i përgjithshëm i NATO-s.

Ndërkohë, të premten një seri shpërthimesh u dëgjuan në Kharkiv. Qyteti u gjend nën sulmin e dronëve rusë, që vranë 4 persona. Kievi pretendon se forcat ruse përdorin taktikën e “goditjes së dyfishtë”, që është kur një dron apo raketë godet të njëjtin objektiv për herë të dytë pas njëfarë kohe, duke vënë në rrezik edhe ekipet e shpëtimit që shkojnë në vendngjarje pas sulmi të parë.

LEXONI GJITHASHTU:

• Konfirmohet identiteti i më shumë se 50 mijë ushtarëve rusë të vrarë në Ukrainë
• Evropianët pro zgjerimit! Sondazhi: Ukraina më e mbështetura, Shqipëria e pesta