“Ukraina duhet të zhduket”, Musk refuzon të fshijë postimin e Medvedev në Twitter 

Pronari i kompanive Tesla dhe Twitter, Elon Musk, ka refuzuar të fshijë postimin në Twitter të zëvendëspresidentit të Këshillit të Sigurimit të Rusisë, Dmitry Medvedev, në të cilin ai ka deklaruar në disa pika “pse askush nuk ka nevojë për Ukrainën”.

Siç raporton TASS, një nga përdoruesit e Twitter-it tërhoqi vëmendjen e Musk me postimin e Medvedev të shtunën, ku miliarderi amerikan u përgjigj se të gjitha lajmet janë “në një farë mase propagandë” dhe se njerëzit duhet të marrin vendimet e tyre.

Musk deklaroi se platforma e tij nuk synon të kufizojë ose promovojë llogaritë e zyrtarëve të qeverisë ruse.

Në prill të vitit të kaluar, Twitter njoftoi se llogaritë e afërta me autoritetet shtetërore do të bllokoheshin nga ai rrjet, pasi ata dyshohet se “kufizojnë internetin e hapur”.

Medvedev shkroi në Twitter dy ditë më parë se askush nuk ka nevojë për Ukrainën dhe kjo është arsyeja pse ajo do të zhduket.

LEXONI GJITHASHTU:

• Musk zhduk “cicërimat” e Twitter, logoja e zogut zëvendësohet me qen
• Elon Musk ngre alarmin për inteligjencën artificiale: Rrezik për njerëzimin