Ukraina goditet nga një valë e re e sulmeve ruse

Forcat ruse kanë goditur caqe civile dhe të infrastrukturës përmes një vale të raketave dhe dronëve të lëshuar gjatë natës, tha ushtria ukrainase mëngjesin e 22 qershorit.

Ushtria shtoi gjithashtu se beteja të ashpra po zhvillohen në rajonin lindor ukrainas të Donjeckut, ku Rusia ka intensifikuar sulmet e saj.

Në Krimenë e aneksuar nga Rusia, një urë kyçe që e lidh këtë gadishull me pjesët e pushtuara të Ukrainës në rajonin jugor të Hersonit u dëmtua pasi u godit, sipas zyrtarëve të instaluar nga Moska, me raketa Storm Shadow të lëshuara nga forcat ukrainase.

Shtabi i Përgjithshëm raportoi se mbrojtja ajrore ukrainase ka rrëzuar të gjashtë dronët e prodhimit iranianë, por shtoi se një numër i paspecifikuar i civilëve janë vrarë dhe plagosur, pa dhënë më shumë detaje.

LEXONI GJITHASHTU:

• Xhaçka nga Konferencën e Rimëkëmbjes së Ukrainës: Do rindërtojmë Irpinin
• Ukraina sulmon bazat ruse, Kievi pranon se kundërofensiva po ecën me ngadalë