Ukraina konfirmon pushtimin e Lysychansk nga forcat ruse

Trupat ruse pretendojnë se kanë arritur të marrin kontrollin e qytetit strategjik kyç të Lysychansk në Ukrainën lindore.

Fitorja e tyre në këtë qytet duket se konfirmohet edhe nga një tërheqje e forcave ukrainase. Tërheqja e Kievit pason disa javë luftimesh të ashpra dhe shënon një përparim vendimtar për forcat e Moskës pas  më shumë se katër muaj që nga nisja e pushtimit.

Lysychansk ishte qyteti i fundit i madh në zonën e Luhanskut të rajonit lindor të Donbasit  që ndodhej ende në duart e Ukrainës dhe pushtimi i tij ndihmon  forcat e Moskës për të avancuar në Kramatorsk dhe Sloviansk në Donetsk fqinj.

Goditja ndaj rezistencës ukrainase erdhi pasi kryeministri australian, Anthony Albanese, të dielën premtoi mbështetje të mëtejshme ushtarake gjatë një takimi me Presidentin Zelenskiy në Kiev i cili ka pranuar se trupat ruse po avancojnë.

“Ekziston risku  që rajoni i Luhanskut do të pushtohet plotësisht. Rreziqe të tilla janë kuptuar nga ne”, konfirmon Zelensky.

Kryeministri i Australisë vizitoi më parë Irpin, një nga qytetet e shkatërruara nga lufta në rajonin e Kievit. Ai tha se ishte “e tmerrshme të shihje ndërtesa banimi të shkatërruara nga bombardimet duke i cilësuar aktet krime lufte”.

LEXONI GJITHASHTU:

• Beteja për Lysychansk, rusët dhe ukrainasit pretendojnë kontrollin e qytetit
• Rusia pretendon se forcat e saj kanë nën kontroll rajonin e Ukrainës Lindore