English

Ukraina në terr, Rusia godet infrastrukturën elektrike

KOMENTE

SHPERNDAJE
ARTIKULLIN

Text sizeAa Aa

Ukraina ka vendosur të aplikojë kufizime të energjisë në mbarë vendin, një ditë pasi Rusia ndërmori një seri sulmesh ndaj infrastrukturës energjetike.

- Advertisement -

Kufizimet u zbatuan në të tre rajonet ku u kryen sulme me dronë dhe raketa, që lanë të plagosur të paktën 19 persona.

Sulmet ruse ndaj impianteve elektrike ukrainase në javët e fundit kanë detyruar qeverinë të zbatojë ndërprerje të energjisë në shkallë vendi.

Pa sistemet e duhura të mbrojtjes për t’i bërë kontrast këtyre sulmeve, kufizimet rrezikojnë të përkeqësohen dhe të arrijnë pikun në verë dhe dimër.

Ofensiva e re ruse në veri është përqendruar në rajonin e Kharkivit, por përfshin edhe testimin e forcave ukrainase në Donjeck, si dhe sulme në rajonet veriore të Samit dhe Çernihivit.

Të dielën, zëdhënësi i Shtëpisë së Bardhë për sigurinë kombëtare, John Kirby konfirmoi se presidenti Joe Biden kishte rënë dakord t’i lejonte Ukrainës të përdorte disa armatime amerikane në territorin rus, për të lehtësuar presionin e fortë të rusëve në Kharkiv.

“Lejimi kufizohet për rajonin e Kharkivit dhe me respektimin e llojit të objektivave që mund të godasin dhe deri ku mund të shkojnë”, tha John Kirby, këshilltar në Shtëpinë e Bardhë.

Ukraina i ka bërë presion aleatëve perëndimorë për leje për përdorimin e armëve në territorin rus, me argumentin se trupat e Moskës kanë fituar avantazh.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?