Ukraina për zgjedhjet ruse: Votimet në territoret e pushtuara s’ do jenë të vlefshme

Qeveria ukrainase e ka shpallur “të pavlefshme” çdo përpjekje të Rusisë për të mbajtur zgjedhje në territoret e pushtuara të Ukrainës. Së fundmi, datat e zgjedhjeve u caktuan për më 15 dhe 17 mars 2024.

Kievi theksoi se një lëvizje e tillë do të shkelte hapur ligjin Ukrainas dhe statutet e OKB-së.

Ministria e Jashtme bëri thirrje për vendosjen e sanksioneve ndaj organizatorëve të votimeve dhe paralajmëroi se çdo vëzhgues ndërkombëtar që do dërgohet për të monitoruar procesin do të përballet me “përgjegjësi penale”.

Rusia ka mbajtur disa herë votime në zonat e pushtuara të Ukrainës, si për shembull referendumin në shtator të 2022-shit dhe zgjedhjet lokale të 2023-shit. Të gjitha u kritikuan nga faktori ndërkombëtar dhe nuk u njohën.

Në vazhdim të zhdukjes së të kaluarës sovjetike, këshilli bashkiak i Kievit dha urdhër për çmontimin e monumentit të një komandanti të Ushtrisë së Kuqe gjatë Luftës Civile.

LEXONI GJITHASHTU:

• Artistë tregojnë momentet e fundit me Kabashin, Qirjako: Ulërita kur e mora vesh
• Filmi Europian i vitit/ Shpërndahen çmimet, triumfon “Anatomia e një Rënieje”