Forcat e Ukrainës kanë thënë se kanë shkatërruar 50 dronë rusë Shahed, ndërkohë që presidenti Zelensky bëri me dije se gjatë javës së kaluar, Rusia sulmoi Ukrainën me mbi 900 bomba.

Gjatë ditës së kaluar, njësitë e grupit rus “Zapad” pushtuan 43 bastione të Forcave të Armatosura të Ukrainës dhe shkatërruan nëntë detashmente mortajash, dy stacione komunikimi satelitor “Starlink” dhe tetë pika kontrolli për mjete ajrore pa pilot, njoftoi kreu i shtypit, Ivan Bigma.

Të paktën katër persona u plagosën dje kur një raketë e drejtuar ruse goditi një supermarket në Kharkiv, qyteti i dytë më i madh i Ukrainës, tha guvernatori rajonal Oleh Sinegubov.

Në një postim në Telegram, ai ka deklaruar se është goditur një supermarket në lagjen Shevcheniki, jo shumë larg qendrës së qytetit, transmeton Reuters.

Kryetari i Kharkivit, Ihor Terekhov tha se supermarketi ndodhet pranë ndërtesave të larta të banimit.

Presidenti ukrainas Volodymyr Zelensky njoftoi se gjatë javës së kaluar, Rusia sulmoi Ukrainën me mbi 900 bomba, gati 500 dronë të tipit “Shahed”, si dhe 30 raketa.

Shumica e këtyre sulmeve kishin për qëllim objektet civile dhe infrastrukturën kritike, tha Zelensky, raportoi Kyiv Independent.

LEXONI GJITHASHTU:

• Ukraina përdor sisteme me AI për dronët në fushën e betejës
• Droni ukrainas godet depon e naftës në Stavropol të Rusisë