Ukraina pretendon se mbi 46 mijë ushtarë rusë janë vrarë që nga fillimi i luftës

Ministria e Punëve të Jashtme e Ukrainës pretendon se 46.750 ushtarë rusë janë vrarë që nga fillimi i luftës, më 24 shkurt.

Në raportin më të fundit, autoritetet ukrainase kanë bërë të ditur se kanë shkatërruar 234 fluturake, 202 helikopterë dhe 4.257 mjete të blinduara ruse gjatë kësaj periudhe.

Nga ana tjetër, Rusia nuk ka bërë publike bilancin e saj në lidhje me luftën në Ukrainë.

1️⃣8️⃣6️⃣ days of full-scale #Russia’s war on #Ukraine.

Information on #Russian invasion.
Losses of the Russian armed forces in Ukraine, August 28. pic.twitter.com/TyUxhonDWP

— MFA of Ukraine 🇺🇦 (@MFA_Ukraine) August 28, 2022

Ndërsa, këtë të dielë, ministri i Jashtëm ukrainas, Dmytro Kuleba ka paralajmëruar se kontinenti evropian është në rrezik, për shkak se forcat ruse e kanë kthyer centralin bërthamor të Zaporizhias në bazë ushtarake.

Përmes një reagimi në rrjetet sociale, ai ka kërkuar që ushtria ruse të dalë nga uzina.

Autoritetet ukrainase nisën shpërndarjen e tabletave të jodit për banorët pranë centralit bërthamor të Zaporizhias, në rast të një rrjedhjeje të mundshme radioaktive, mes frikës në rritje se luftimet rreth impiantit mund të shkaktojnë një katastrofë bërthamore.

LEXONI GJITHASHTU

• ‘Centrali i Zaporizhias i kthyer në bazë ushtarake’, Kuleba: Po rrezikohet Evropa
• Frikë nga rrjedhja radioaktive në Zaporizhia, ukrainasit nisin shpërndarjen e jodit