Ukraina rimerr kontrollin e ishullit kyç në afërsi të qytetit të Kherson

Ukraina ka rimarrë nga forcat ruse kontrollin e ishullit taktikisht të rëndësishëm, Nestryha, shkruajnë mediat ukrainase.

Kapiteni Dmytro Pletenchuk, zëdhënës i Komandës Operative Jugore të Forcave të Armatosura të Ukrainës, i tha transmetuesit ukrainas Hromadske Radio se kontrolli i ishullit në lumit Dnieper në rajonin Kherson do të rrisë ndjeshëm masat mbrojtëse të Ukrainës.

Pasi Moska nisi pushtimin e Ukrainës në shkurt 2022, forcat ruse pushtuan në kohë shumë të shpejt rajonin e Khersonit. Megjithatë, Ukraina ndërmori një kundërofensivë në rajon një vit më vonë duke çliruar pjesën veriore të Khersonit, në bregun e djathtë të lumit Dnieper. Që nga ajo kohë, forcat ukrainase kanë nisur bastisje të rregullta përgjatë lumit, duke përfshirë vendosjen e urave të shumta në bregun lindor.

Pletenchuk i tha Hromadske Radio se ishulli Nestryha, i cili është rreth 12 milje në jugperëndim të qytetit të Kherson, ka “rëndësi taktike”. Ai shtoi se “çdo lokacion që pengon armikun t’i afrohet pozicioneve tona është i rëndësishëm”

“Duke marrë parasysh që armiku zakonisht përdor lokacione të ngjashme për t’u afruar dhe për të instaluar mortaja, atëherë kjo është tepër e rëndësishme për sigurinë tonë kundër sabotazhit,” tha Pletenchuk.

“Pra, ky lokacion u çlirua nga prania e mundshme e armikut”, shtoi ai.

Duke përshkruar rëndësinë strategjike të ishullit, Kyiv Post tha se Nestryha “është kyç për operacionet e ardhshme tokësore të Ukrainës për të çliruar Krimenë e pushtuar”.

LEXONI GJITHASHTU:

• “Moska do nis një ofensive të madhe ndaj…”- Raporti i Institutit Amerikan
• Cili është qyteti kyç në Ukrainë që Rusia kërkon ta pushtojë me çdo kusht