Ukraina shënjestron flotën në hije të Rusisë në Detin e Zi, goditet edhe ura në Krime dhe Kherson

Ushtria ukrainase ka goditur anijen cisternë “FINA A” në Detin e Zi , e cila përshkruhet si pjesë e “flotës në hije” të Rusisë , njoftoi këtë të mërkurë Shtabi i Përgjithshëm i ushtrisë ukrainase.

Shtabi i Përgjithshëm, në një njoftim në Telegram, deklaron se objektivi u godit me sukses dhe se shkalla e dëmit po vlerësohet.

Më tej, Shtabi i Përgjithshëm tha se cisterna po përdorej për të transportuar naftë dhe produkte nafte në interes të Rusisë, duke anashkaluar sanksionet ndërkombëtare.

Forcat mbrojtëse të Ukrainës goditën gjithashtu objekte të përdorura nga forcat ruse për logjistikën ushtarake dhe lëvizjen e trupave midis territoreve të pushtuara përkohësisht në jug të Ukrainës, një urë rrugore mbi Kanalin e Krimesë së Veriut pranë vendbanimit Stavky dhe një urë tjetër rrugore pranë vendbanimit Voinka në Oblastin Kherson.