Ukraina sulmon bazën ruse, “hakmerret” Moska: Bombardon depozitat me grurë

Trupat ukrainase deklarojnë se kanë rimarrë nën kontroll një fraksion territori në qytetin lindor të Bakhmutit, por nuk kanë bërë ndonjë progres në zonën jugore të vendit.

Ndërkohë, prova të sulmeve ukrainase përtej vijave të frontit rus janë publikuar nga mediat ukrainase. Këto të fundit kanë konfirmuar se sabotatorë ukrainas, të koordinuar nga shërbimet sekrete ushtarake në Kiev, kryen një seri sulmesh me dronë që goditën një avion bombardues në një bazë ajrore në territorin rus.

Disa orë më vonë, forcat ajrore ruse ngritën në ajër dy avionë luftarakë për të detyruar dy dronë të ndërprisnin misionin e mbikëqyrjes mbi gadishullin e Krimesë.

Lajmin e bëri të ditur Ministria ruse e Mbrojtjes.

Ndërkohë, presidenti ukrainas Zelensky u kthye në Kiev pas një udhëtimi në tre kryeqytete evropiane, të cilat i kanë premtuar furnizimin brenda vitit me avionë “F16”. Vendet e para që do ta ndërmarrin këtë hap do të jenë Danimarka dhe Holanda.

Ndërkohë, një seri bastisjesh në kuadër të një operacioni anti-korrupsion janë kryer në mënyrë simultane në zyrat e regjistrimit ushtarak, në lidhje me kundërofensivën e Kievit.

Qeveria ukrainase vazhdon të verifikojë të gjitha dyshimet, përfshirë ato se zyrtarë të caktuar kanë ndihmuar qytetarët të marrin certifikata paaftësie për të shmangur shërbimin ushtarak.

LEXONI GJITHASHTU:

• Aleancë kundër Perëndimit, Putin në samitin e BRICS: Po ulim vartësinë nga dollari
• Kërcënon Medvedev: Rusia mund të aneksojë Osetinë Jugore dhe Abkhazinë