Ukraina zbulon një rrjet hungarez spiunazhi, arreston dy të dyshuar

Agjencia kryesore e sigurisë e Ukrainës tha se ka zbuluar një rrjet spiunazhi të drejtuar nga Hungaria që po kërkonte informacione të ndjeshme për mbrojtjen ushtarake dhe opinionin publik në rajonin perëndimor të Zakarpatias, i cili kufizohet me Hungarinë dhe ka një popullsi të konsiderueshme me prejardhje hungareze.

Shërbimi i Sigurisë i Ukrainës (SBU) tha më 9 maj se ka arrestuar dy persona të dyshuar si agjentë në Zakarpatia –dhe pretendon se njeriu që i udhëhiqte ata është një punonjës i inteligjencës ushtarake hungareze.

SBU-ja tha se kjo është hera e parë që Ukraina zbulon një rrjet hungarez të spiunimit duke punuar për ta minuar sigurinë e vendit.

Ky njoftim vjen mes tensioneve midis Ukrainës dhe Hungarisë, ku kryeministri Viktor Orban ka ruajtur marrëdhënie të ngrohta me presidentin e Rusisë, Vladimir Putin, dhe ka kundërshtuar sanksionet ndaj Kremlinit, pavarësisht luftës së Moskës kundër Ukrainës.

Hungaria e ka mbrojtur Kievin në përpjekjet e tij për t’u mbrojtur shumë më pak sesa shumica e vendeve të tjera të Bashkimit Evropian dhe NATO-s.

LEXONI GJITHASHTU:

• Vance: Situata në fushë-betejën e Ukrainës nuk po shkon mirë, Peskov reagon
• Rusia mban paradën ushtarake, kush ishin liderët ndërkombëtarë që shkuan në Moskë