Vance: Situata në fushë-betejën e Ukrainës nuk po shkon mirë, Peskov reagon

Zëvendëspresidenti i SHBA-së, JD Vance, ka deklaruar se situata në fushën e betejës në Ukrainë nuk është në favor të Kievit, duke komentuar negociatat e vazhdueshme për zgjidhjen e konfliktit mes Ukrainës dhe Rusisë.

Në një intervistë ekskluzive për kanalin televiziv Fox News, Vance theksoi se perceptimi i Rusisë për luftën është se ata po fitojnë “në terren”.

“Ne e dinim që Rusia do të kërkonte shumë, sepse perceptimi i tyre është se janë duke fituar në fushën e betejës,” tha Vance, duke shtuar se situata në frontin e luftës ka ndikuar që ukrainasit të shprehin dëshirën për një armëpushim. Sipas tij, kjo ka ndodhur pjesërisht për shkak të dështimeve të fundit të ushtrisë ukrainase.

Në lidhje me këto komente, zëdhënësi i Kremlinit, Dmitry Peskov, reagoi duke theksuar se Rusia dëshiron që interesat e saj kombëtare të merren parasysh gjatë bisedimeve për paqe. “Ne duam që interesat tona kombëtare të merren parasysh në mënyrë që shkaqet rrënjësore të konfliktit të eliminohen,” tha Peskov, duke shtuar se ky kërkesë është e rëndësishme për sigurinë dhe stabilitetin e Rusisë.

LEXONI GJITHASHTU:

• Çfarë fshihet pas emrit të zgjedhur të Papës së ri, Leon?
• Finale angleze në Europa League, sukses edhe në Conference League