Ulen komisionet për dërgimin e parave me Europën, Shqipëria hyn në SEPA

Çdo qytetar Shqiptar që dërgon para në Europë apo anasjellas, do të paguajë komision bankar në vlera modeste. Kjo, pasi bankat tregtare në Shqipëri kanë nisur ofrimin e transfertave në Zonën e Pagesave SEPA.

Tarifat bankare për transfertat e parave me 41 vende në Europë, nga sot do jenë 5 herë më të lira. Me anëtarësimin e Shqipërisë në SEPA, Shqiptarët pritet të kursejnë mbi 20 milionë euro cdo vit, ndërkohë qw ky proces do ulw edhe informalitetin.

“Në ceremoninë e mbajtur në mjediset e Bankës Qendrore, edhe Ambasadori Gonzato, vlerësoi procesin në të cilin u përfshinë bankat duke shtuar se me sistemin SEPA, Shqiptarët do të ndihen si qytetarë të Bashkimit Europian.”-tha Gent Sejko, guvernator i Bankës së Shqipërisë

Më tej Sejko vijoi duke thënë se transfertat do jenë të sigurta.

“Me integrimin në SEPA, bankat do të mbajnë komisione me vlerë të papërfillshme në raport me shumën që dërgohen, ndërsa transfertat do të jenë të sigurta.”-tha Gent Sejko, guvernator i Bankës së Shqipërisë