Ulet 10% prodhimi i energjisë në 2024, rritet konsumi në popullatë

Në vitin 2024, energjia elektrike e prodhuar nga hidrocentralet është ulur rreth 10%. Megjithatë, kjo sasi nuk ka prodhuar krizë në sektor, pasi një pjesë është siguruar nga importet dhe ulja e nivelit të humbjeve.

Viti 2024 nuk ishte një vit i mirë për prodhimin e energjisë elektrike, teksa hidrocentralet dhe panelet në vend arritën vlerën 7.8 gigavat orë nga 8.8 gigavat që prodhuan në vitin 2023.

Të dhënat e publikuara nga INSTAT tregojnë se shumica e prodhimit u realizua nga hidrocentralet publike, në masën 52%, ndërsa impiantet fotovoltaike realizuan 6.5% të prodhimit të përgjithshëm.

Gjatë 12 muajve, Shqipëria bleu rreth 2.6 gigavat energji, ose 40% më tepër se vitin e parardhës, ndërkohë që shiti 2.3 gigavat, ose rreth 18% më pak.

Ndërkohë, nga e gjithë energjia e prodhuar, konsumatorët familjarë harxhuan 3.4 GWh, ndërsa bizneset dhe institucionet e tjera konsumuan 3.1 gigavat.

Në total, energjia e përdorur nga konsumatorët në vitin 2024 arriti vlerën 6.5 GWh, sasi kjo më e madhe se konsumi i vitit 2023.

Nga ana tjetër, 1.6 gigavat energji humbi në rrjet, dhe kjo sasi, e cila u vodh apo nuk kaloi për shkaqe teknike, përbën 20% të totalit.

LEXONI GJITHASHTU:

• Rama me strukturat socialiste: Bëmë uljen e parë të çmimit të energjisë që nga 1990
• Ndryshon çmimi i energjisë, ja tarifat e reja për furrat e bukës