Ultimatumi i Trump për Putinin, reagon Ukraina

Ministri i Jashtëm i Ukrainës, Andriy Sybiha, ka mirëpritur mesazhin e dërguar nga Presidenti amerikan Donald Trump, i cili kërcënoi Rusinë me më shumë taksa dhe sanksione nëse nuk ndalon luftën e saj kundër Ukrainës. Gjatë një paneli në Forumin Ekonomik Botëror të Davosit, Sybiha shprehu mbështetje për deklaratat e Trump, duke theksuar se Ukraina ka shpresë se mesazhi i tij do të sjellë një “dinamikë të re” në përpjekjet diplomatike për t’i dhënë fund luftës.

“Ne i mirëpresim vërtet mesazhet kaq të forta nga Presidenti Trump,” tha Sybiha, duke theksuar se Ukraina beson se Trump mund të jetë një faktor kyç për të ndryshuar kursin e ngjarjeve dhe për të sjellë një zgjidhje afatgjatë për konfliktin.

Kremlini, nga ana e tij, ka reaguar ndaj kërcënimeve të Trump, duke shprehur gatishmërinë për një dialog të barabartë dhe respektues, duke shprehur gatishmërinë për bisedime të drejtpërdrejta.

Deklaratat Trump i bëri përmes një postimi në platformën e tij, Truth Social. Presidenti amerikan i bëri thirrje Putinit të arrijë një marrëveshje “tani” dhe kërcënoi me vendosjen e sanksioneve shumë të ashpra ndaj Moskës, nëse konflikti nuk zgjidhet.

LEXONI GJITHASHTU:

• Trump: Rusia të ndalë luftën ose do përballet me sanksione. Koha për marrëveshje
• “Jepini fund luftës”- Ultiamtumi i Trump për Putinin, reagon për herë të parë Moska