Duke folur këtë të martë në rubrikën e tij të përditshme në rrjete sociale “Sy m’sy”, kryeministri Edi Rama reagoi ndaj një qytetari i cili i thoshte se kur të humbasë zgjedhjet do të ngelet pa punë.

Rama i tha se drejtimi i qeverisjes nuk është punë për të, por është një mision, dhe duke qenë se është mision, ai tha se duhet të bëjë edhe gjëra që nuk do t’i bënte, si p.sh. t’i përgjigjej këtij komentuesi.

“Sa i përket zanatit, që thua se do ngelem pa punë po nuk fitova zgjedhjet, po të them që kam plot gjëra të tjera që dua të bëj, por këtë që bëj tani është një mision, nuk është një punë. Se po të mos ishte mision, nuk do humbisja asnjë sekond duke komunikuar me një si ty që shan, por të respektoj edhe ty, sepse je një nga forcat, një nga qelizat e organizmit të gjallë të këtij vendi dhe me këtë mision e kam për detyrë të komunikoj dhe me ty dhe të pranoj edhe sharjet tua. E kupton? Nuk është puna ime kjo, ky për mua është mision dhe jam në këtë mision për të çuar flamurin e Skënderbeut dhe Ismail Qemalit në oborrin e Bashkimit Evropian dhe aty mbaron misioni, e kupton”, tha Rama.

LEXONI GJITHASHTU:

• Rama: Marrëveshja e dritave nuk hiqet, pensionet do të rriten
• Konkursi për zhvillimin e “ish-Cirkut”, Rama: Tirana, lokomotivë e ndryshimit epokal