Urbanisti: Çdo kullë që ndërtohet në Tiranë mbyll një shkollë në Lushnjë

Eksperti i urbanistikës Gentjan Kaprata tha në emisionin Now në Euronews Albania se në 4 vitet e fundit Tirana nuk është rritur me asnjë banor, përkundrazi po humbë banorë për shkak të emigracionit.

Sipas tij, çdo kullë që ndërtohet në Tiranë mbyll një shkollë në Lushnjë apo një qytet tjetër të vogël për shkak të prirjes për t’u zhvendosur drejt kryeqytetit.

“Ndaj nxehemi edhe ne urbanistët se çdo kullë që ndërtohet në Tiranë mbyll një shkollë në Lushnjë, në Fier. Këto kulla bëhen që të marrin njerëz nga rrethet duke i shpopulluar ato. Po flas për kulla në kuptimin urbanistik, që presupozohet që do të përdoren për banim. Këto nuk janë të gjitha për banim, po ato që kemi blerë dikur, shkojmë në një më të mirë dhe i shesim, që i blejnë ata nga Lushnja apo Fieri. Këta pastaj i vijnë në Tiranë, rrinë ca muaj dhe ikin jashtë. Po shkatërrohet Shqipëria”, tha urbanisti.

LEXONI GJITHASHTU:

• Çudit urbanisti: 23-vjeçari nga Korça që ka 88 apartamente në Tiranë
• “6000 euro metri”, arkitektja: Ja kush do qëndrojë në kullat e Tiranës