Urbanistja Musai: Tirana, shumë larg qytetit të gjelbër

Tirana është shumë larg promovimit si “qyteti i gjelbër”, sipas urbanistes Doriana Musai.

E ftuar në “Mirëmëngjes” në Euronews Albania ajo tha se nuk ka ende një plan të qartë për rregullimin e situatës së trafikut dhe vendparkimeve në kryeqytet, por vetëm plane emergjencash.

Urbanistja solli në vëmendje (referuar kronikës) se afër qendrës shëndetësore nr. 9 dhe asaj të specialiteteve nr. 2 ka afër korsi biçiklete, stacion autobusi, stacion taksi, por asnjë lehtësi për qytetarët.

“Ka një mbivendosje të mobiliteteve të qytetit në të njëjtën pikë, pastaj ka dhe shërbime të shtuara që janë në këtë rast qendrat shëndetësore dhe nuk ka asnjë lehtësim se si mund të hyhet, të dilet te qendra shëndetësore,” – u shpreh Musai.

Sipas saj ky është problemi kryesor që po të zgjidhej do të ndihmonte në qarkullim dhe funksionim më të mirë të vendparkimeve.

Mbulimi i gjithë qytetit nuk bëhet nga transporti publik e si rrjedhojë, qytetarët detyrohet të përdorin makinat personale, një tjetër problematikë që duhet të marrë zgjidhje.

LEXONI GJITHASHTU: 

• KLSH thirrje Bashkisë Tiranë: Të rishikohet pagesa e parkimit
• E diela pa makina në Tiranë, bllokohet qarkullimi në disa rrugë