Urimi i Euronews Albania për festën e Krishtlindjes: Ndalemi për një çast, larg zhurmës, për të dëgjuar njeriun pranë nesh

Këtë të enjte Euronews Albania e ka nisur me një mesazh urimi për festën e Krishtlindjes. Urimi është lexuar nga gazetari Thimi Samarxhiu në edicionin e mëngjesit të 25 Dhjetorit.

Gjatë urimit të tij, ai u shpreh se Krishtlindja është përqafimi që mungon, fjala që shëron, shpresa që nuk shuhet.

“Sot Krishtlindja vjen si një dritë e butë që prek zemrat tona, kudo që jemi.
Në këtë ditë të shenjtë, ndalemi për një çast, larg zhurmës, për të dëgjuar atë që ka më shumë rëndësi, njeriun pranë nesh.

Krishtlindja është përqafimi që mungon, fjala që shëron, shpresa që nuk shuhet.
Është besimi se, edhe në ditët më të vështira, drita lind gjithmonë. Le ta ndajmë këtë dritë me ata që ndihen vetëm, me ata që presin, me ata që shpresojnë në heshtje.

Uroj që kjo Krishtlindje të sjellë paqe në çdo shtëpi shqiptare, ngrohtësi në çdo zemër dhe forcë për të besuar në nesër. Gëzuar Krishtlindjen!”, është shprehur ai.