Ursula von der Leyen viziton sot Kosovën, takime me Osmanin dhe Kurtin

Në kuadër të turit në Ballkanin Perëndimor, Presidentja e Komisionit Evropian, Ursula von der Leyen, do të vizitojë sot Kosovën.

Von der Leyen do të takohet me presidenten e vendit, Vjosa Osmani, si dhe me kryeministrin në detyrë, Albin Kurti. Sipas njoftimit të Presidencës, bëhet me dije se takimi mes Presidentes së KE-së dhe kreut të shtetit të Kosovës do të zhvillohet në orën 13:00.

Von der Leyen nisi vizitën e saj në Ballkanin Perëndimor me Tiranën ku zhvilloi takime me presidentin Bajram Begaj dhe kryeministrin Edi Rama, ndërsa mori pjesë edhe në Forumin e Investimeve BE-Shqipëri.

Më pas Ursula von der leyen udhëtoi drejt Mal të Zi, Bosnjë dhe Hercegovinës, Serbisë, sot në Kosovë, për ta mbyllur turin e saj ditën e nesërme të 16 tetorit me Shkupin.

Kjo është vizita e parë e Von der Leyen në rajon gjatë mandatit të saj të dytë, ndonëse ajo i vizitoi të gjashta vendet e Ballkanit Perëndimor saktësisht një vit më parë, në përfundim të mandatit të saj të parë.

LEXONI GJITHASHTU:

• Francë, kryeministri premton pezullimin e reformës së pensioneve
• Karamuço: Mund të ketë tërheqje të prokurorëve nga gara për kreun e SPAK