Ushtari francez goditet me thikë në një stacion treni në Paris

Një ushtar është plagosur sot me thikë në stacionin e trenit në Paris, ka bërë të ditur ministri i Brendshëm Gerald Darmanen.

Në një postim në platformën X, ministri ka shkruar se sulmuesi është arrestuar, por se jeta e ushtarit nuk është në rrezik, raporton Reuters.

Ushtari u vendos si pjesë e një njësie prej 3,000 trupash, e cila, si pjesë e Operacionit Sentinel, patrullon vende si stacionet e trenit, vendet e adhurimit, shkollat ​​dhe teatrot përpara fillimit të Lojërave Olimpike të Parisit.

Sulmi ndodhi në Paris Gar de l’Est.

Nuk dihet ende motivi i sulmuesit.

Lojërat Olimpike në Paris do të zhvillohen nga 26 korriku deri më 11 gusht.

LEXONI GJITHASHTU:

• Gjermania vendos kontrolle të përkohshme në kufi me Francën
• Lind francezja në Korçë, fëmija në kujdesin intensiv të mjekëve