Ushtria izraelite shkarkon 3 gjeneralë për sulmin e 7 tetorit

Shefi i ushtrisë izraelite, Eyal Zamir, njoftoi të dielën shkarkimin e tre gjeneralëve dhe masa disiplinore kundër disa oficerëve të lartë për shkak të dështimit të tyre për të parandaluar sulmet e tetorit 2023 nga Hamasi.

Lista e gjeneralëve të shkarkuar përfshin tre komandantë divizionesh, njëri prej të cilëve në atë kohë shërbente si shef i inteligjencës ushtarake.

Në deklaratën thuhet se të tre gjeneralët mbajnë përgjegjësi personale për dështimin e forcave të armatosura për të parandaluar sulmin e nisur nga Hamasi nga Rripi i Gazës.

Sakaq, shkarkimi vjen pasi të tre kishin dhënë dorëheqjen nga postet e tyre.

U njoftuan gjithashtu masa disiplinore kundër kreut të forcave detare dhe ajrore, së bashku me masa kundër katër gjeneralëve të tjerë dhe disa oficerëve të lartë.

Disa nga zyrtarët e lartë të ushtrisë në fjalë u thirrën të dielën për takime me shefin e ushtrisë, ku iu prezantuan vendimet e marra në lidhje me sjelljen e tyre dhe masat disiplinore të marra kundër tyre, duke filluar nga shkarkimi nga puna deri te qortimet formale ose personale, sipas të përditshmes izraelite Haaretz.

LEXONI GJITHASHTU:

• Izraeli vret komandantin kryesor të Hezbollahut në një sulm ndaj Libanit
• Izraeli sulme ajrore në Gaza, vriten 21 persona